Mezu baztergarriak kudeatzea

Mezu baztergarriek sareak honda ditzakete, posta elektronikoko zerbitzariak blokeatu, eta mezu eta irudi iraingarriekin postontziak bete. Microsoft Office Outlook Web Access-i esker, nahi ez dituzun mezuak kontrola ditzakezu, ondokoa egiteko aukera duzula:

Mezu baztergarrien zerrendak kudeatzea

Erabili atal honetako prozedurak zein helbide elektroniko eta domeinutako mezuak jaso nahi dituzun —edo ez dituzun jaso nahi— zehazteko.

Oharrak  Hartzen dituzun mezuak aztertzean, mezu baztergarrien iragazkiak helbide elektronikoei ematen die lehentasuna, domeinuen aurrean. Adibidez, demagun adibidez.com domeinua Bidaltzaile blokeatuen zerrendan daukazula, eta norbait@example.com Bidaltzaile seguruen zerrendan. Zure sarrerako ontziak norbait@example.com helbidea onartuko du, baina example.com duten beste helbide elektroniko guztiak Mezu baztergarrien karpetara eramango dira.

Domeinuak sartzean, ez dago "arroba" (@) jarri beharrik. Outlook Web Access-ek automatikoki gehituko du.

Bidaltzaile seguruen zerrenda aldatzea

Bidaltzaile seguruak zuri mezuak bidaltzea nahi duzun jendea eta domeinuak izango dira.

  1. Nabigazio-panelean, egin klik Aukerak botoian.
  2. Mezu baztergarriak eta pribatutasunean, hautatu Iragazi mezu baztergarriak kontrol-laukia.
  3. Egin klik Kudeatu Mezu baztergarrien bidaltzaileen zerrendak aukeran. Bidaltzaile seguruen zerrenda lehenespenez bistaratzen da.
  4. Bidaltzaile bat zerrendan gehitzeko, egin klik Gehitun, idatzi helbide elektronikoa edo domeinua testu-koadroan, eta egin klik Adosen.
  5. Zerrendako bidaltzaile bat aldatzeko, hautatu eta egin klik Editatun. Aldatu nahi bezala, eta sakatu Ados.
  6. Kontaktuak bidaltzaile seguru gisa sartzeko, hautatu Fidatu Kontaktuen mezu elektronikoez kontrol-laukia.
  7. Egin klik Adosen Kudeatu mezu baztergarrien bidaltzaileen zerrendak elkarrizketa-koadroa ixteko, eta egin klik Gorde eta Itxi botoian.

Hartzaile seguruen zerrenda aldatzea

Hartzaile seguruak kide zaren eta mezuak jaso nahi dituzun banaketa-zerrendak dira. Helbide elektroniko indibidualak ere gehi ditzakezu Hartzaile seguruen zerrendan. Adibidez, baliteke bai zuri eta bai beste norbaiti bidalitako mezuak onartu nahi izatea.

  1. Nabigazio-panelean, egin klik Aukerak botoian.
  2. Mezu baztergarriak eta pribatutasunean, hautatu Iragazi mezu baztergarriak kontrol-laukia.
  3. Egin klik Kudeatu Mezu baztergarrien bidaltzaileen zerrendak aukeran.
  4. Goitibeherako menuan, hautatu Hartzaile seguruak.
  5. Hartzaile bat zerrendan gehitzeko, egin klik Gehitun, idatzi helbide elektronikoa edo domeinua testu-koadroan, eta egin klik Adosen.
  6. Zerrendako hartzaile bat aldatzeko, hautatu eta egin klik Editatun. Aldatu nahi bezala, eta sakatu Ados.
  7. Egin klik Adosen Kudeatu mezu baztergarrien bidaltzaileen zerrendak elkarrizketa-koadroa ixteko, eta egin klik Gorde eta Itxi botoian.

Sarrerako ontzian bidaltzaile seguruen mezuak bakarrik onartu

Sartzen diren mezuak kudeatzeko bidaltzaile seguruen eta blokeatuen zerrendak erabiltzeaz gain, Sarrerako ontzian sartuko diren mezuak ere muga ditzakezu. Outlook Web Access-en ezarpen batek aukera ematen du Bidaltzaile seguruen edo Hartzaile seguruen helbideetatik edo domeinuetatik bidalitako mezuak bakarrik onartzeko Sarrerako ontzian. Gainerako mezu guztiak Mezu baztergarrien karpetara joango dira.

  1. Nabigazio-panelean, egin klik Aukerak botoian.
  2. Mezu baztergarriak eta pribatutasunean, hautatu Iragazi mezu baztergarriak kontrol-laukia.
  3. Egin klik Kudeatu Mezu baztergarrien bidaltzaileen zerrendak aukeran.
  4. Hautatu Tratatu Mezu baztergarri gisa Bidaltzaile seguruen edo Hartzaile seguruen zerrendakoek bidaliak ez diren mezu guztiak kontrol-laukia. Ezarpen horrek Microsoft Office Outlook 2003ko mezu baztergarrien aurka babesteko Zerrenda seguruak bakarrik mailaren eragin bera du.

    5. Oharra  Ezarpen honek asko murrizten du mezu baztergarrien tratamendua. Tarteka, Mezu baztergarrien karpetako mezuei begiratu bat ematea komeni da, baliozko mezurik dagoen ikusteko.

  5. Kudeatu Mezu baztergarrien bidaltzaileen zerrendak elkarrizketa-koadroa ixteko, sakatu Ados, eta Gorde eta itxi.

Bidaltzaile blokeatuen zerrenda aldatzea

Bidaltzaile blokeatuak zuri mezuak bidaltzea nahi ez duzun jendea eta domeinuak dira. Bidaltzaile blokeatuen zerrendako helbide elektroniko edo domeinuetatik datozen mezuak, Mezu baztergarrien karpetara eramango dira zuzenean.

  1. Nabigazio-panelean, egin klik Aukerak botoian.
  2. Mezu baztergarriak eta pribatutasunean, hautatu Iragazi mezu baztergarriak kontrol-laukia.
  3. Egin klik Kudeatu Mezu baztergarrien bidaltzaileen zerrendak aukeran.
  4. Goitibeherako menuan, hautatu Bidaltzaile blokeatuak.
  5. Bidaltzaile bat zerrendan gehitzeko, egin klik Gehitun, idatzi helbide elektronikoa edo domeinua testu-koadroan, eta egin klik Adosen.
  6. Zerrendako bidaltzaile bat aldatzeko, hautatu eta egin klik Editatun. Aldatu nahi bezala, eta sakatu Ados.
  7. Egin klik Adosen Kudeatu mezu baztergarrien bidaltzaileen zerrendak elkarrizketa-koadroa ixteko, eta egin klik Gorde eta Itxi botoian.

Iradokizuna  Bidaltzaile bat Bidaltaile blokeatuen zerrendan gehi dezakezu berak bidalitako mezu batetik abiatuta. Egin klik eskuineko botoiaz Sarrerako ontziko mezuan, edo irekitako mezu bateko bidaltzailearen izenean, eta hautatu Gehitu bidaltzailea Bidaltzaile blokeatuen zerrendan. Bidaltzailearen mezu hori ere Mezu baztergarrien karpetara eramango du Outlook Web Access-ek.

HTML mezuetako kanpo-edukirako estekak blokeatzea

Outlook Web Access-ekin, web baliza izeneko mekanismoa, mezu baztergarrien helburu bihur zaitzakeena, blokea dezakezu. Web balizei buruzko informazio gehiago lortzeko, ikus Zure pribatutasuna babesteko Laguntza.

  1. Nabigazio-panelean, egin klik Aukerak botoian.
  2. Mezu baztergarriak eta pribatutasunean, hautatu Blokeatu kanpoko edukia HTML mezu elektronikoetan kontrol-laukia.

    Oharrak  Aukera hau hautatuz gero, zure erantzun eta birbidalketetatik ere kenduko dira web balizak.

    Nahi izanez gero, zerbitzariaren administratzaileak aukera hau beti hautatuta utz dezake.

Itzuli hasierara

Copyright Microsoft Corporation 2003.
Eskubide guztiak erreserbatuta. Erabiltzeko baldintzak.