Bilaketari buruz

Microsoft Office Outlook Web Access-ek aukera ematen dizu postontziko mezuak, hitzorduak, eta beste edozein elementu bilatzeko. Zure Microsoft Exchange postontziko karpetetan bilatzeaz gain, zure erakundeko karpeta publikoetan ere bila daiteke. Bilaketa mezuen ezaugarri batean baino gehiagotan oinarritu daiteke: mezua bidali edo jaso duen jendea, mezuaren gaian edo gorputzean dauden hitzak… Beste aukera bat da uneko karpetan bakarrik edo karpetaren barruko azpikarpetetan ere bilatzea.

Garrantzizkoa Outlook Web Access-ek ezin du bilatu opakoki sinatutako edo enkriptatutako mezuen gorputzean. Horrelako mezuetan, Nori, Nork, eta Gaia koadroetan bakarrik egingo du bilaketa. Garbi sinatutako mezuek ez dute horrelako murrizketarik. Opakoki sinatutako mezuak, S/MIME (Secure/Multipurpose Internet Mail Extension) onartzen duten posta elektronikoko programek bakarrik (Outlook Web Access, Microsoft Outlook, Microsoft Outlook Express eta horrelakoek) irakur ditzakeen mezu kodetuak dira.

Bilatzeko irizpide bat baino gehiago sartzen denean, Outlook Web Access-ek emandako irizpide guztiak betetzen dituzten elementuak bilatuko ditu. Hau da, "Haritz Aranburu" izena idazten baduzu Nork testu-koadroan, eta "berri emateko bilera" idazten baduzu Bilatu hitz hau(ek) Gaian testu-koadroan, Outlook Web Access-ek bilatuko ditu karpeta horretan Haritz Aranburuk bidali dituen ETA gaiaren lerroan "berri emateko bilera" hitzak dituzten mezuak.

Oharra Nori testu-koadroan izen bat idazten duzunean, Outlook Web Access-ek mezuen Cc lerroan ere bilatuko du.

Bilatu mezuen gorputzean ere kontrol-laukia hautatuta dagoela, aurkitu nahi duzun testua mezuaren gaian EDO mezuaren gorputzean bilatuko da.

Exchange karpetetan bilatzea

Karpeta batean bilatzeko, ireki bilatzeko leihoa karpeta horretatik bertatik, edo karpeta horren karpeta guraso batetik. Adibidez, Sarrerako ontzitik Bilatun klik egiten baduzu, Sarrerako ontzian eta barruan dituen karpeta guztietan bilatuko du. Bilatzeko leihoan "Karpeta honetan ari zara bilatzen: [karpetaren izena]" mezua azalduko da, Outlook Web Access-ek zein karpeta arakatuko dituen adieraziz.

Exchange karpetetan bilatzeko

Hautatu bilatzea nahi duzun karpeta edo karpeta gurasoa, eta egin klik tresna-barrako Bilatu botoian.
Karpetaren barruko azpikarpetetan bilatzeko, hautatu Bilatu azpikarpetetan kontrol-laukia Bilatu leihoan.
Oharra Exchange postontziko karpetetan bilatzean bakarrik egongo da erabilgarri aukera hori.
Mezuaren gaian dauden hitzak bilatzeko, idatzi Bilatu hitz hau(ek) Gaian koadroan.
Iradokizuna Komatxo arteko hitz-multzoak bila ditzakezu, hitz solteak, edo biak batera. "Berri emateko bilera" (komatxo artean) esaldia idazten baduzu, hiru hitz horiek idatzi bezalaxe agertzea nahi duzula esan nahi du; baina komatxorik gabe jarriz gero, hiru hitzek egon beharko dute elementu batean, baina ez elkarren ondoan derrigorrez. Erabili zuriuneak esaldiak eta hitzak bereizteko.
Idatzi duzun testua mezuaren gorputzetan bilatzea nahi baduzu, hautatu Bilatu mezuen gorputzean ere kontrol-laukia. Aukera horrekin, karpetako mezu guztietako hitz guztietan egiten du bilaketa Outlook Web Access-ek, eta, beraz, prozesuak luzeago joko du.

Oharra Testua bilatzean, Outlook Web Access-ek ez ditu kontuan hartuko artikuluak, preposizioak eta antzekoak.
Pertsona jakin batek bidalitako elementuak aurkitzeko, idatzi bidaltzailearen izena Nork koadroan.
Pertsona jakin bati bidalitako elementuak aurkitzeko, idatzi Nori edo Cc lerroetan zegoen izena Honi bidalia koadroan. Izenak bereizteko erabili puntu eta komak (;), zuriuneak, edo komak (,).
Iradokizuna Idatzi beti izen-abizenak komatxo artean (adibidez, "Haritz Aranburu"). Bestela, izena eta abizena zure erakundeko beste norbaitekin pareka litezke.
Bilatzen hasteko, egin klik Bilatu orain botoian. Amaitu arte ezingo duzu bilaketa gelditu.

Iradokizuna Elementu bat baino gehiago aurkitzen badu, egin klik zutabe baten izenburuan emaitzak zutabe horren arabera ordenatzeko. Elementu bat ikusteko, egin klik bikoitza bertan.

Itzuli hasierara